ఆటవిక సమాజం

పాలకి ఎడుస్తున్న
చంటి బిడ్డని
చంక కెత్తుకొని
భర్త కోసం నేను
పాల కోసం వీడు
ఎండిన కన్నీటి మీద
ఈగలు తోలుకుంటూ
ఎదురు చూస్తున్నాం…

చంటి బిడ్డ పాల కోసం
కడుపు మాడ్చుకుంటూ
కాళ్ళు ఈడ్చుకుంటూ
కన్నీళ్లు తుడుచుకుంటూ
వుద్యోగంకోసం వెతుకుతున్న
నిరుద్యోగిని నేను
దుర్మార్గులను చంపే వుద్యోగం
దేవుడు నాకిస్తే
ఎంత బాగుండు

పెళ్ళాం బిడ్డలతో
బ్రతుకు బండిని లాగుతూ
నేను ఒక్కడిని
ఎంతమందిని చంపగలను?

చంటి బిడ్డను
నమ్మి వచ్చిన ఆలిని
నట్టేట ఎలా ముంచగలను?

దుర్మార్గపు సింహాల నుంచి
రాజకీయ నక్కల నుంచి
ప్రసార మాధ్యమాల కాకుల నుంచి
ఆటవిక సమాజం నుంచి
మనిషికి రక్షణ లేదు

ఈ రోజుకి సాధుజీవిని
అవకాసం కోసం చూస్తున్న
చిరుతపులిని నేను
ఆకలిని, కోపాన్ని
దాచుకున్న
అగ్ని పర్వతాన్ని
యుద్ధం కోసం
సైన్యాన్ని సిద్ధం చేస్తున్న
సేనానిని నేను

చేయి చేయి కలుపుదాం
రామ రాజ్యం స్తాపిద్దాం
రావణులను చంపేద్దాం

-o-

దుర్మార్గులను మనిషి చంపితే పాపం.
రాముడు రావణుడిని చంపితే పుణ్య కార్యం.
ఈ సమస్యకు ప్రస్తుత సమాజంలో పరిష్కారం లేదు.
సిద్దాంతాలు ఎన్నైనా చెప్పుకోవచ్చు.
ప్రస్తుతానికి మళ్ళీ శ్రీ మాహావిష్ణువు మళ్ళీ జన్మించాలని కోరుకోవటం తప్ప
సామాన్య మానవుడు చేయగలిగింది ఏమీలేదు.
ఈ జీవితం ప్రస్తుతానికి ఇంతే.

Mar-23-2010, Atlanta, GA

Written after reading this poem ఇడుపుల వాసి తరాలు